CEIP A Rúa (Cangas)

Documentámonos sobre Massó: Traballo cooperativo

Tallers Documentals

Para iniciar o traballo de documentación os pasos que seguimos foron:

- As profes propuxeron os temas.

- Constituimos os grupos de expertos.

 

 

- Cada grupo elexiu un dos temas. Ante o interese de varios grupos polo mesmo tema, houbo algúns que cederon voluntariamente. No caso no que isto non foi posible, chegouse a un consenso entre os interesados/as. A distribución é a seguinte e podedes acceder ó traballo facendo clic en cada enlace.

1. Espazo.Planos.Seccións-instalacións. Darío, Nico e Serxio.

2. Proceso de produción,innovación. Anira, Yanira, Néstor e Santi.

3. Organigrama. Postos, funcións. Antón, Ían e Rubén.

4. Traballo por xénero. Maya, Tania, Andrea e Luana.

5. Conciliación familiar. Gardería. Economato. Candela, Mario Santos e Cristina.

6. Condicións laborais. Salario. Xornada. Asistenta social. Pediatra. Hotel. Casas. Andrés, Álvaro E Mario Núñez.

7. O declive de Massó. Causas. Mobilizacións. Repercusións. Pedro, Inés e María.

 

  

 

- Na busca de información cada grupo copiaba o principio e o final dos parágrafos que lles eran útiles, indicando o libro e o nº de páxina. Ó final organizaban a información e a redactaban.

 

 

 

- Algúns dos traballos expuséronse en gran grupo para ter a posibilidade de melloralos.

- Finalmente durante a visita dos profesionais do cine expuséronse todos os traballos.

 

 

                                          

 

 

 

CEIP A Rúa (Cangas)

Massó: As nosas propostas de futuro

Tallers Documentals

A fábrica de Massó, neste momento está abandoada e en estado ruinoso, como podedes ver nestas fotos realizadas por nenos e nenas da clase

   

 

 

Unha das cousas que máis nos preocupa, despois do que estamos aprendendo nesta fase de documentación, é o futuro de ese espazo tan significativo para a xente de Cangas e tamén para nós. Demos renda solta á imaxinación e fixemos as nosas propostas. Aquí vai unha mostra:

 

SANTI

Eu faría un cine, para que todos os cidadáns disfrutasen da cultura canguesa. Coa gardería faría unha tenda para o cine e coa baleeira a restauraría. Co entorno natural intentaría arranxalo e coidalo.

 

ANTÓN

Eu faría algo para dar traballo a xente desempregada, algunha empresa de aparellos náuticos ou así. Iso ou un centro recreativo ou de ocio.

 

RUBÉN

Eu convertería Massó nunha zona que non estea tan contaminada. Reconstruiría a fábrica e faría un museo.

 

YANIRA

Eu faría con Massó un hospital. Con comedor para que coman as enfermeiras, os enfermos e a xente que vai de visita, e un parking para as ambulancias.

 

DARÍO

A mín gustaríame que fose un museo cultural sobre a pesca e as cadeas industriais. Tamén gustariame derruir a zoa de okupas e por un parque para nenos.

 

NICO

Restaurar Massó e facer unha ruta turística arredor e que se poida entrar dentro e transformar a baleeira nun museo de osos de balea e restaurala.

 

ÁLVARO

Eu faría un multiusos dedicado ao ocio con cine, bolos, teatro, etc.

 

CANDELA

  1. Eu en primer lugar faría un parque de auga cuberto. Deixaría tal e como está a fábrica, aínda que quitaría todas as cousas de dentro e as cambiaría por atraccións de auga. Este parque sería un puntazo xa que estaría cuberto, poderíase ir tanto os días de choiva como os de moita calor. Á xente frioleira encantaríalles este parque de auga .
  2. Outra opción sería restaurala e convertila nun sitio de ocio.

A miña avoa as dúas opción parécenlle moi ben, aínda que cre que o primeiro non o poderíamos facer xa que costaría moitos cartos, cousa que non abonda en España xa desde fai tempo.

 

MAIA

Eu faría un museo turístico con fotos de cando aínda estaba en funcionamento, os restos cos que se traballaba…

 

PEDRO

A miña idea sería facer un gran museo onde se poidese ver todo o que se fixo na fábrica de Massó. Restauraría a baleeira e se exporía ao público.

CEIP Doutor Suárez (Fornelos de Montes)

Fase de investigación

Tallers Documentals

Ola amigas e amigos:

Estamos na fase de investigación de "Cine en curso".

Xa fixemos algunhas entrevistas. Realizámosllas a Don Francisco, que é o director e que  leva 40 anos no colexio.

A Pipo, que sabe moito de fauna e flora.

A Clementa, Chita e Jose. Clementa moe e gran e Chita sabe moitas cousas sobre os muíños e Jose é un expero sobre a "Senda da fraga do Barragán".

Realizamos a entrevista de Pipo e Paco no colexio, e a de Clementa, Chita e Jose na casa de Clementa (que é a tia/madriña de Chita).

Nas entrevistas aprendemos varias cousas: cantigas sobre os muíños, lendas da fraga, a orixe de moitos nomes, como era a vida fai medio século, ensináronnos fotos antigas...

No colexio descargamos as fotos e o audio nós soas.

A semana que ven temos outras catro entrevistas e seguiremos indagando sobre a "Senda do río Barragán".

 

Até moi pronto!

IES O Mosteirón (Sada)

A fábrica de cerámicas de O Castro. Documentación

Tallers Documentals

No noso concello de Sada e no lugar que chaman O Castro de Samoedo, existe unha fábrica de cerámicas desde o ano 1949, aínda que  as súas orixes, por pertencer ao grupo Sargadelos, remóntese ao ano 1806.

A súa construción débese á iniciativa do artista e intelectual Isaac Díaz Pardo, e os seus deseños singulares ao encontro que Díaz Pardo tivo en Arxentina tras a guerra civil española, co pintor Luís Seoane. Alí naceu o Laboratorio de formas, un programa de memoria histórica que buscaba a recuperación da obra e da documentación do movemento renovador da arte galega a partir de Castelao, e sobre todo a recuperación de Sargadelos como a empresa industrial de máis alento e prestixio do pasado.  E conseguiuse, aínda que agora tras varias décadas de produción, a fábrica atópase nun momento crítico tras sufrir un ERE moi recentemente. Animámonos a facer este achegamento  porque nesta fábrica todos temos ou tivemos algún familiar, amigo ou veciño traballando nela polo que resulta moi cercana a todos nós.

Desexamos que esta fábrica  e os seus traballadores, poidan seguir  por moito tempo regalándonos os seus marabillosos deseños.

 

 

 

DOCUMENTACIÓN DE A FÁBRICA

Visitamos a fábrica un día nubrado pola mañá, para coñecer ben o espazo, os traballadores e os  procesos  polos que pasa unha cerámica de tan alta calidade. Chamounos a atención  o espazo amplo, diáfano e luminoso, a amabailidad das persoas que en todo momento mostráronse comunicativas connosco e o son sempre presente, de diferentes  máquinas e ferramentas. Seguimos todo o proceso, e así puidemos coñecer de primeira man como, grazas a habilidosas mans, transfórmase un pouco de masa de caolín nunha  fermosa peza para regalar á nosa vista.

Aquí deixámosvos unha mostra fotográfica do ambiente recollido para a documentación.

Un saúdo a todos 

 

 

   

IES de Melide (Melide)

PRESENTACIÓN DO ALUMNADO DO IES DE MELIDE

Tallers Documentals

Somos  alumnas e alumnos de 1º e 2º de ESO do IES de Melide (A Coruña). Somos un grupo moi numeroso, cincuenta  rapazas e rapaces de sete aulas diferentes, polo que traballamos organizados en distintos grupos e ao sermos tantos, non é fácil.

Melide é considerado o Cerne de Galicia, porque estamos máis ou menos no centro, e pola nosa vila pasa o camiño de Santiago, polo que estamos moi acostumados aos peregrinos.

No instituto xuntámonos rapazas e rapaces de a tres concellos diferentes: Melide, Toques e Santiso, e os que vivimos nas parroquias máis afastadas aínda pasamos un bo anaco no transporte escolar. Moitos dos que vivimos fóra da vila, vivimos do campo e temos explotacións  gandeiras, polo que nos gustan os animais e estamos acostumados a eles. Á maioría gústannos os deportes, sobre todo o fútbol, pero tamén outros deportes menos coñecidos como a esgrima, a loita olímpica ou o kick-boxing, especialidade na que temos unha campioa mundial. Bastantes de nós estudamos música e tocamos en bandas e outras agrupacións.

Neste curso no instituto estamos a traballar co cine coordinados pola biblioteca, baixo o lema Un ano de Película. Non é a primeira vez que tentamos achegarnos ao mundo do cine. Dende hai varios anos temos unha emisora de radio e unha pequena canle de televisión, Falamelide. Tamén facemos  outras actividades extraescolares como actividades deportivas, teatro, revista, actividades musicais, club de lectura en diferetes idiomas, cineforum, xogos populares e moitas viaxes culturais.

Aínda non temos escollido un tema concreto de traballo en Cine en Curso, pero quizais poidamos aproveitar a circunstancia de que na vila e o instituto Melide hai varias persoas vinculadas a Asociación Galega do Xogo Popular e Tradicional e no propio centro podemos dispoñer dunha chea deles: a ra, a chave, a porca, as bolas... que con frecuencia practicamos.

Que nunca vos falte un soño polo que loitar, un proxecto que realizar, perseveranza para seguir adiante, e valentía para superar sempre os vosos límites...

Os nosos mellores desexos para o 2014.

CEIP Doutor Suárez (Fornelos de Montes)

1º obradoiro con profesionais do Cinema. 16 de decembro de 2013.

Tallers Documentals

Ola!

O pasado 16 de decembro tivemos no noso colexio, Doutor Suárez, o primeiro obradoiro programado cun profesional do cine, Ángel.

Ademais, estivemos magnificamente acompañados por Mónica e Patricia, representantes do CGAI.

Durante case catro horas, fixemos as seguintes actividades:

  • Mural de investigación. Presentamos o mural de investigación que fixemos arredor do noso proxecto.
  • Posta en común. Comentamos todo o que nos interesa sobre a "Senda do Río Barragán" e fomos apuntando no encerado os temas máis salientables que poderiamos tratar.
  • Anotamos os veciños e as veciñas que nos poden axudar na fase de investigación. Falamos sobre como preparar as entrevistas que faremos en xaneiro. Fixemos un primeiro reparto de tarefas.
  • Visionamos algún fragmentos de documentários dos deuvedés.
  • Fomos até a Senda e practicamos coa cámara de fotos. Tamén aprendimos a mirar o que nos rodea e actuar de investigadores.

Foi unha experiencia fantástica. Tamos desexando que chegue a seguinte. Porque, non o podemos ocultar, tamén temos gañas de coller a cámara e a pértiga!

En breve, máis!

 

Un agarimoso saúdo.

 

 

IES Xograr Afonso Gómez (Sarria)

Ola a Todos

Tallers Documentals

Ola!!!!!,

Somos do IES Xograr Afonso Gómez de Sarria, instituto situado no sur da provincia de Lugo, en pleno  Camiño de Santiago. Estudamos 4º da ESO, 1º e 2º de BAC e o noso espírito peregrino lévanos a comezar esta andaina no mundo do cine con moita ilusión. Agardamos poder compartir convosco un anaco dos nosos espazos.

Aquí vos deixamos unhas imaxes que nos presentan a nós e ao noso centro.

Unha aperta a todos.

 

Luces, Cámara e… Acción!!!

Roi, Giovanna, Tamara, Candela, Lúa, Martín, Ixchel, Mª Elena, Andrea, Nuria, Alicia, Noemí, Eva, Lucas, Joel, Antón, David, Sandra, Andrea

   

CEIP Doutor Suárez (Fornelos de Montes)

CEIP Doutor Suárez: A nosa primeira práctica

Tallers Documentals

Ola amigas e amigos:

Aquí tendes a nosa primeira práctica, un breve percorrido através de panorámicas dos exteriores do noso centro educativo.

Realizado integramente polo alumnado -xa é un paso importante-, coa gravación de planos e montaxe no Vegas Studio.

O seguinte, máis e mellor.

Unha aperta!

 

 

IES Terra de Trasancos (Narón)

SAÚDOS DENDE TERRA DE TRASANCOS

Tallers Documentals

Ola a todos!

Somos os alumnos de 1º de Bacharelato do IES Terra de Trasancos en Narón (A Coruña). Estamos aquí:

 

Somos un centro pequeno con 350 alumnos dende 1º da ESO ata 2º de Bacharelato, tamén hai ciclos e PCPI.

Gústanos a música, o cine, a fotografía,....SOMOS UN CENTRO MOI CREATIVO

Coñécenos:

 

CINE EN CURSO PELICULA from IES TRASANCOS on Vimeo.

Pàgines